කේක් එකක් බේක් කර ගන්න කලින් ඊට අවශ්‍ය ට්‍රේ එක අදුන ගන්න එක වගේම ට්‍රේ එක සකස් කර ගන්න ආකාරයත් බොහොම වැදගත්.
අපට අවශ්‍ය උස කේක් එකක් සකසන්න නම් කේක් ට්‍රේ එක අගල් 6, 7 වගේ වුනා නම් හොදයි. ඒ වගේම ට්‍රේ එක පිරෙන්න කේක් බැටර් එක දාන්න එපා. එතකොට කේක් එක මැදින් අමු වෙන්න, කේක් බැටර් එක ට්‍රේ එකෙන් පිටතට ගලන්න වගේ වගේ බලනවා. ඒක නිසා කේක් ට්‍රේ එකට බැටර් එක දානකොට ඒ දාන ප්‍රමානය හරිම වැදගත් . හරියට ට්‍රේ එකට බැටර් එක දැම්මා නම් නියමිත වෙලාවට , ඉතාමත් මෘදුව , කිසිම ප්‍රශ්නයක් නැතුව කේක් එක බේක් කර ගන්න පුලුවන් වෙනවා.
කේක් එකක් නිවරදිව බේක් කර ගන්න තව ගොඩක් දේවල් බලපානවා. ඒ අතර ට්‍රේ එක තෝරගන්නා ආකාරය, ට්‍රේ එකට බැටර් එක දාන ප්‍රමානය , වගේම ට්‍රේ එක සකසා ගන්න ආකාරයත් වැදගත්.
කේක් තැටිය අපිට කිහිප ආකාරයකට සකසා ගන්න පුලුවන් .ට්‍රේ එකේ හොදට බටර් ආලේප කරලා ඊට උඩින් පාන්පිටි හොදින් ඉහගෙන අපට ට්‍රේ එක සකසා ගන්න පුලුවන් . චොක්ලට් කේක් එකක් නම් චොක්ලට් පවුඩර් ඉහගන්න ඕන. ඒක එක ආකාරයක්. අනිත ආකාරය පාච්මන්ට් පේපර් හෝ තෙල් කඩදාසී තැටියේ ප්‍රමානයට ඇතුලට වගේම පිටට කපලා දාගෙන ඊට උඩින් බටර් ආලේප කරන්න. කේක් ට්‍රේ එක උසින් අඩුයි වගේ කියලා හිතෙනවා නම් පාච්මන්ට් පේපර් එක ට්‍රේ එකට වඩා ටිකක් උසට හිටින විදියට කපලා අරගන්න.
මම සාමාන්‍යයෙන් කේක් බේක් කරනකොට පොඩි ප්‍රමාණයන් විදියට බැටර් එක අරගෙන බේක් කරන්නේ. එවිට ඉක්මනට වගේම soft එකට කේක් එක හදාගන්න පුලුවන් වෙනවා.
ප.ලි – අලුතින් පන්තිය පටන්ගන්න දවස තාම තීරණය කරලා නෑ. දවස තීරණය කරපු ගමන් ඉක්මනටම ඔයාලව ඒ ගැන දැනුවත් කරන්නම්. මොකද මේ දවස් වල එන msg වලට හරියට reply කරන්නත් බැරි වුනා සනීප නැති නිසා.
මේ වගේ කේක් නිවරදිව හදන ආකාරය ගැන A-Z ඔයාටල දැනගන්න , ඉගෙනගන්න පුලුවන් මගේ V7 cake Academy එක එක්ක එකතු වුනොත්.
තේජා මහආරච්චි
